Құрылтай депутаттары жұмыс регламентін қабылдады. Бұл туралы Qazaqyia.kz порталы Sputnik Қазақстан басылымына сілтеме жасап хабарлайды.
Регламентке сәйкес, Құрылтай бюросының қаулысымен заң жобасын шығару мерзімдері айқындалады.
Заң жобаларын қарау үш кезеңнен тұрады
Регламентте заң жобаларын қарау тәртібі нақты белгіленген. Бірінші оқылымда заң жобасының негізгі ережелері, мақсаттары мен міндеттері талқыланады. Екінші оқылымда бас комитеттің салыстырмалы кестесіне енгізілген түзетулер қаралады. Ал үшінші оқылымда Қазақстан Республикасының Конституциясына сәйкестігі, құқықтық олқылықтарды жою тұрғысынан түпкілікті редакциясы талқыланады.
Бұл тәртіп регламентте былайша түсіндіріледі: "Бірінші оқылымда заң жобасының негізгі ережелері, мақсаттары мен міндеттері, екінші оқылымда бас комитеттің салыстырмалы кестесіне енгізілген түзетулер, ал үшінші оқылымда Қазақстан Республикасының Конституциясына сәйкестігі, құқықтық олқылықтарды жою тұрғысынан түпкілікті редакциясы талқыланады".
Мәжіліске енгізілген заң жобалары
Бұдан бұрын мәжіліске енгізілген заң жобаларын Құрылтай жаңа регламенттің қағидалары бойынша қарауды жалғастырады. Осылайша, құқықтық сабақтастық сақталып, Парламенттің екі палаталы моделінен бірыңғай Құрылтай қызметіне ұйымдасқан түрде көшу қамтамасыз етіледі.
Халықаралық шарттарды ратификациялау
Ал халықаралық шарттарды ратификациялау екі оқылымда қаралады. Сондай-ақ, жаңа конституциялық орган – Қазақстан Халық Кеңесімен өзара іс-қимыл жасау тәртібі айқындалып отыр.
Кеңес өкілдері оның өкілеттіктеріне жатқызылған мәселелер бойынша тыңдауларға, тұрақты комитеттер мен жұмыс топтарының отырыстарына қатысуға құқылы.
Бұған дейін Құрылтай төрағасы бюроның алғашқы отырысын өткізгені хабарланған болатын.