Қостанайда бұрын сотталған екі ер адам 4,4 млн теңге алып жатқан жерінде ұсталды. Тергеу мәліметінше, олар қыркүйек айынан бері жәбірленушіден 17 млн теңге бопсалап, дене жарақатын салумен қорқытқан. Бұл туралы Qazaqyia.kz порталы Kursiv Media басылымына сілтеме жасап хабарлайды.
Арнайы операция
Операцияны 28 қазанда Ішкі істер министрлігінің экстремизмге қарсы іс-қимыл бөлімшелерінің қызметкерлері және Қостанай облысы полиция департаменті «Орлан» арнайы бөлімшесінің қолдауымен жүргізді.
Тәркіленген заттар
Ұстау кезінде 4,4 млн теңге, Kia Sportage автокөлігі және ұялы телефондар тәркіленді.
Сараптама
Күдіктілердің әрекеттері алдын ала сөз байласу бойынша адамдар тобы жасаған бопсалау ретінде сараланды. Екеуі де уақытша ұстау изоляторына қамалды.
«Алдын ала тергеу жалғасуда. Оқиғаның барлық мән-жайы нақтылануда», — делінген хабарламада.
Бұған дейін «Курсив» Алматыда жүк көлігі жүргізушілерін наразылыққа шақырғаны үшін ер адамның 15 тәулікке қамалғаны туралы жазған болатын.