Жітіқара қаласында халықаралық іздеуде жүрген шетел азаматы алаяқтыққа күдікпен ұсталды. Бұл туралы Qazaqyia.kz порталы Polisia.kz басылымына сілтеме жасап хабарлайды.
Ер адамды мамыр айынан бері іздеген. Оны қалалық полиция бөлімінің қызметкерлері «Учаске» жедел-профилактикалық іс-шарасы кезінде анықтаған.
Күдіктінің жеке басы анықталған соң, ол ұсталып, уақытша ұстау изоляторына қамалды. Сот оған қамауда ұстау түріндегі бұлтартпау шарасын таңдады.
Полиция әділет органдарынан жасырынып жүрген адамдарды іздеу және ұстау жұмыстарын жалғастырып жатқанын хабарлады.
Бұған дейін «Курсив» Семейде 36 жастағы ер адамның ұсталғанын хабарлаған. Ол қаңтар айынан бері пробациялық бақылау шарттарын бұзғаннан кейін жасырынып жүрген. Ерекше ірі көлемде алаяқтық жасағаны үшін сотталған ол тергеу изоляторына қамалып, кейін Павлодарға жеткізілуі жоспарланған.