Қосшы қаласында алты жасар бала бассейнге батып кетті. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Оқиға 17 шілде күні сағат 20:37-де болған. Бала тұрғын үй кешенінің аумағындағы бассейнге құлап, суға батып кеткен. Оқиға орнына жедел жәрдем келгенімен, баланы құтқару мүмкін болмады.
Құқық қорғау органдары оқиғаның мән-жайын анықтап жатыр. Алдын ала мәліметтер бойынша, бала ата-анасының қарауынсыз қалған кезде бассейнге жақындаған. Баланың денесіне сот-медициналық сараптама тағайындалды.
Бұл Қосшы қаласындағы бассейнде болған алғашқы қайғылы оқиға емес. Жергілікті билік тұрғындарды балалардың қауіпсіздігін қадағалауға шақырды.