27 қыркүйекке қараған түні Қазақстанның сегіз облысы мен астанада үсік күтіледі. Оңтүстік пен оңтүстік-шығыста жаңбыр мен найзағай жауады, ал күндіз кейбір жерлерде шаңды дауыл тұрады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Синоптиктердің мәліметінше, елдің басым бөлігінде ауа райы құрғақ болады. Жаңбыр мен найзағай Түркістан, Жамбыл және Қызылорда облыстарында жауады. Шымкентте олар таңертең және күндіз, Таразда — түнде күтіледі.
Түркістан облысының солтүстігінде, сондай-ақ Қызылорда облысының солтүстігі мен орталығында күндіз шаңды дауыл болуы мүмкін. Бірқатар өңірде жел екпіні секундына 15–20 метрге жетеді.
Түнде Ақмола, Ақтөбе, Қостанай, Солтүстік Қазақстан, Павлодар, Шығыс Қазақстан облыстары мен Абай облысының жекелеген аудандарында температура үсікке дейін төмендейді. Қарағанды облысының шығысында топырақ бетінде бір градусқа дейін үсік күтіледі.
Астанада түнде топырақ бетінде екі градусқа дейін үсік болжанады. Павлодарда — бір градусқа дейін және тұман. Түнде және таңертең тұман елдің батысында, солтүстігінде және орталығындағы бірқатар ауданда, оның ішінде Орал мен Петропавлда да күтіледі.
14 облыста толық немесе жекелеген аудандарда төтенше өрт қаупі сақталады. Олардың қатарында Түркістан, Жамбыл, Қызылорда және Алматы облыстары, сондай-ақ Ұлытау және Жетісу облыстары бар. Қарағанды, Жезқазған, Атырау, Шымкент, Түркістан, Қызылорда және Тараз қалаларында да мұндай ескерту күшінде.
Бұған дейін Казгидромет Қазақстанға түнгі үсіктер мен алғашқы қар келе жатқанын ескерткен болатын.