«Қазгидромет» РМК мәліметінше, 5 қыркүйекте Қазақстанның 11 қаласында қолайсыз метеорологиялық жағдайлар (НМУ) күтіледі. Бұл туралы Qazaqyia.kz порталы Kursiv Media басылымына сілтеме жасап хабарлайды.
НМУ Астана, Ақтөбе, Алматы, Қарағанды, Жезқазған, Балқаш, Теміртау, Атырау, Қостанай, Өскемен және Семей қалаларында болжанады.
Қолайсыз метеорологиялық жағдайлар — бұл атмосфералық ауаның жер бетіндегі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тымық, әлсіз жел, тұман, инверсия) жиынтығы.
НМУ пайда болған кезде елді мекендердегі атмосфералық ауа сапасының нашарлауы мүмкін, бұл адам денсаулығына әсер етеді.
Ластану деңгейінің қалыптасуын анықтайтын маңызды факторлардың бірі — синоптикалық жағдайдың (жел, жауын-шашын, ылғалдылық, ауа температурасы) болжамы.
Бұған дейін «Курсив» «Қазгидромет» болжамы бойынша 5 қыркүйекте Қазақстанның басым бөлігінде негізінен құрғақ ауа райы сақталатынын жазған. Елдің оңтүстік-шығысы мен батысында атмосфералық фронттар жаңбыр мен найзағай әкеледі. Оңтүстік-шығыстағы таулы аудандарда түнде жаңбыр мен қар аралас жаңбыр жаууы мүмкін.