Алматыда Еуразиялық даму банкінің (ЕАДБ) жылдық жиналысы және бизнес-форум өтті. Алқалы жиынға Армения, Беларусь, Қырғызстан, Ресей, Өзбекстан және Тәжікстан мемлекеттерінің өкілдері қатысты. Бұл туралы Qazaqyia.kz порталы Sputnik Қазақстан басылымына сілтеме жасап хабарлайды.

ЕАДБ үшін 2026 жыл өте маңызды жыл. Жиын басында ЕАДБ басқарма төрағасы Николай Подгузов 20 жыл бойы банктің дамуына үлес қосқан мемлекеттерге ризашылық білдірді. Оның айтуынша, қаржы ұйымының әлеуеті уақыт өткен сайын дамып, қазіргі уақытта 2027-2031 жылдардың стратегиясы нақтыланды. Бұл банк үшін жаңа тарихи деңгейге шығуға мүмкіндік, дейді Николай Подгузов.

«Қазақстан географиялық жағдайы қолайлы, солтүстік, оңтүстік, батыс пен шығыс бағытта маңызды транзиттік рөл атқарады. Транс Каспи бағыты, Қытай – Қазақстан, Ресей, Беларусь және Европа, бұл бағыттарда біз жұмыс істеп жатырмыз. Біздегі маңызды жобалардың бірі – «Аягөз – Бақты жобасы». Қазақстан бойынша алдағы бес жылға 2,5 млрд долларлық ауқымды стратегиялық жобаны жүзеге асыру туралы ұсыныс жасадық. Қазақстанға инвестиция көлемі артатынына сенімдімін. Басым бағыт өнеркәсіп саласы болады», - деді ЕАДБ басқарма төрағасы Николай Подгузов.

Басқарма төрағасы су ресурстары саласына ауқымды ақылды жоба керек дейді. «Еуразиялық және Орта Азия елдеріндегі су ресурстары мәселесін шешу үшін ақылды технологиялық цифрлық тұрғыдан қарау керек. Өйткені 90%-ы су ауыл шаруашылығы саласына кетеді. Егер біз ауыл шаруашылығына өсімдік, ауыл шаруашылық саласын цифрлық жоспарлауды енгізсек, онда біз бұл салада пайданы 40%-ке дейін арттырар едік. Нәтижесінде миллиондаған шаршы метр суды үнемдеп, басқа бағытқа жұмсар едік», - дейді Николай Подгузов.

Еуразиялық даму банкі ауқымын кеңейтіп, бірнеше мемлекетті қамтиды көздеп отыр. «Біз кеңеюді неғұрлым серпінді жүргізу бағытында жұмыс істейміз. Бірақ тағы бір маңызды жайтты атап өткен жөн: банктің кеңеюі банктің белсенді қызметіне де, қазіргі акционерлердің белсенді рөліне де кедергі келтірмей, керісінше көмектесуі тиіс. Банк құрылтайшыларының мәртебесі өзгеріссіз қалуы керек, ал қазіргі қатысушы елдердің экономикасына қосылып жатқан үлес әлсіремеуі тиіс», - деді басқарма төрағасы.

ЕАДБ Оманды қатарға қосып, Парсы шығанағына бет бұруы ықтимал. Жалпы банк 11 елге кеңеюді жоспарлап отыр. Банк басшылығының мәлімдеуінше, ұйым 11 мемлекетті қамтитын жаңа кеңею бағытын мақұлдаған. Сонымен қатар банк атом энергетикасы мен жасанды интеллект бағыттарын да болашақтағы басым салалардың бірі ретінде қарастырады.