Қазақстандықтардың зейнетақы жинағы 2026 жылдың 1 тамызындағы жағдай бойынша 28,35 трлн теңгеге жетті. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Бірыңғай жинақтаушы зейнетақы қорының (БЖЗҚ) мәліметінше, бір жыл ішінде бұл көрсеткіш 14%-ға, яғни 3,50 трлн теңгеге өскен.
Зейнетақы жинағының құрылымы
Зейнетақы жинағының негізгі бөлігін міндетті зейнетақы жарналары құрайды. 1 тамызда олардың көлемі 26,31 трлн теңгеге жетіп, 12 айда 2,69 трлн теңгеге немесе 11,4%-ға өсті.
Міндетті кәсіптік зейнетақы жарналары есебінен қалыптасқан жинақ көлемі 751,56 млрд теңгеден асты. Соңғы 12 айда бұл көрсеткіш 6,6%-ға өскен.
Сонымен қатар ерікті зейнетақы жарналары есебінен де жинақ көлемі артты. 1 тамызда оның көлемі 10,41 млрд теңгені құрап, бір жылда 14,9%-ға өскен.
Зейнетақы жинағын пайдалану
БЖЗҚ мәліметінше, қазақстандықтар тұрғын үй жағдайын жақсартуға және емделуге 435,20 млрд теңге зейнетақы жинағын алған.
Мұрагерлік бойынша 63,06 млрд теңге, Қазақстаннан тыс жерге тұрақты тұруға кетуге байланысты 28,13 млрд теңге, мүгедектігі бар адамдарға 2,05 млрд теңге, жерлеуге 5,56 млрд теңге төленген.
Ал сақтандыру ұйымдарына 378,56 млрд теңге аударылған.
Зейнетақы шоттарының саны
2026 жылғы 1 тамыздағы жағдай бойынша БЖЗҚ-дағы зейнетақы шоттарының жалпы саны 18,89 млн болды. Бір жыл ішінде олардың саны 6,3%-ға артқан.