2026 жылдың 13-22 қарашасы аралығында таңертеңгілік Күн шығар алдында төрт планетаның: Меркурий, Венера, Марс және Юпитердің шеруін көруге болады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Астрономдардың айтуынша, бұл планеталардың барлығы жеткілікті жарық, сондықтан оларды қарусыз көзбен байқауға болады. Бұл туралы Star Walk хабарлады.
Бақылау шарттары
Бақылау үшін ең жақсы жағдайлар Солтүстік жарты шарда қалыптасады. Ал Оңтүстік жарты шардың орта ендіктерінде Меркурийдің төмен орналасуына байланысты төрт планетаның барлығын көру қиын болады.
Ғалымдардың атап өтуінше, планеталар шамамен эклиптика бойымен орналасады, бірақ мінсіз түзу сызық құрамайды. Олар ғарыш кеңістігінде де қатарға тізілмейді. Планеталар шеруі — бұл жердегі бақылаушының көзқарасы бойынша планеталардың аспандағы көрінетін орналасуы ғана.
Бұған дейін «Курсив» Қазақстан үстінен байқалған НЛО-ға ресейлік астрономның түсініктеме бергенін жазған болатын.