Өзбекстанда өтіп жатқан 46-шы Бүкіләлемдік шахмат олимпиадасында Қазақстан әйелдер құрамасы кезекті жеңіске жетті. Үшінші турда қазақстандық шахматшылар словениялық қарсыластарын 3,5:0,5 есебімен жеңді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Словениямен матчтағы түпкілікті есепті 15 жастағы Елназ Калихамет белгіледі. Жас қазақстандық ақ фигуралармен ойнап, 73-ші жүрісте Надия Шпанконы жеңді.
Алуа Нурман мен Зарина Нургалиева қара фигуралармен жеңіске жетті. Самарқандтағы екінші тең ойынды бірінші тақтада Бибисара Асаубаева жасады.
♟️ GM* Бибисара Асаубаева (2536) – IM Лаура Унук (2301) 0,5:0,5
♟️ WIM Зала Урх (2208) – IM Алуа Нурман (2455) 0:1
♟️ WIM Елназ Калиахмет (2347) – WIM Надия Шпанко (2182) 1:0
♟️ WFM Анья Бебер (2272) – WIM Зарина Нургалиева (2303) 0:1
- 01GM – гроссмейстер, IM – халықаралық шебер, WIM – әйелдер арасындағы халықаралық шебер, WFM – ФИДЕ әйелдер шебері
Қазақстан ерлер құрамасы француздарға қарсы ойында жеңіліс тапты. Тек бірінші тақтадағы Денис Махнев үш түстілердің көшбасшысы, 2021 жылғы блиц бойынша әлем чемпионы Максим Вашье-Лагравпен тең ойынға қол жеткізді. Сауат Нургалиев, Алдияр Ансат және Жандос Агманов өз партияларында жеңіліс тапты.
♟️ GM* Денис Махнев (2568) – GM Максим Вашье-Лаграв (2719) 0,5:0,5
♟️ GM Этьенн Бакро (2620) – IM Сауат Нургалиев (2493) 1:0
♟️ GM Алдияр Ансат (2495) – GM Максим Лагард (2593) 0:1
♟️ GM Марк-Андрия Маурицци (2612) – GM Жандос Агманов (2490) 0:1
- 01GM – гроссмейстер, IM – халықаралық шебер
Самарқандтағы 46-шы Бүкіләлемдік шахмат олимпиадасына 398 команда, 1974 шахматшы, 240 гроссмейстер қатысуда.
Турнир швейцариялық жүйе бойынша 11 турда өтеді. Әр команданың құрамында 4 ойыншы және 1 қосалқы ойыншы бар. Уақытты бақылау классикалық – алғашқы 40 жүріске 90 минут, оған қоса тағы 30 минут. Әр жүрістен кейін 30 секунд қосылады.
Матчтағы жеңіс үшін құрама екі командалық ұпай алады, тең ойын үшін – бір ұпай. Ұпайлар тең болған жағдайда қосымша көрсеткіштер күшіне енеді — Бергер коэффициенті (қарсыластар жинаған ұпай саны), сондай-ақ команданың әр қатысушысының жеке ұпайларының сомасы.
Ерлер турнирінің жеңімпаздарына лорд Фредерик Густавус Гамильтон-Рассел кубогы, әйелдер турнирінің жеңімпаздарына – Вера Менчик кубогы табыс етіледі. Екі команданың да орындарының ең аз сомасы бойынша үздік болған федерация Нона Гаприндашвили кубогымен марапатталады.