Гонконгта өткен Азия чемпионатының блиц бағдарламасында қазақстандық шахматшылар Ксения Балабаева мен Амина Кайрбекова үздік ондыққа енді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Әйелдер гроссмейстері Балабаева, алдыңғы күні рапидте алтыншы орын алған болатын, бұл жолы жетінші орынға ие болды. Алматылық шахматшы 13 турдан тұратын швейцарка жүйесінде 8 ұпай жинады. Дәл осынша ұпай әйелдер гроссмейстері Кайрбекованың еншісінде, бірақ қосымша көрсеткіштер бойынша ол оныншы орынға жайғасты.
Рапид пен блицте алтын дубльді үндістандық гроссмейстер Харика Дронавалли жасады. Екінші орын, алдыңғы күндегідей, ресейлік шахматшыға бұйырды. Анна Шухман пьедесталдағы орнын Валентина Гунинаға берді. Қола жүлдені өзбекстандық Умида Омонова жеңіп алды.
Қазақстандық Зарина Нургалиева мен Мария Холявко 41 қатысушының арасында тиісінше 14-ші және 17-ші орындарға ие болды.
Ерлер арасындағы блицте 11 ұпай жинаған вьетнамдық Туан Мин Ле чемпион атанды. Дәл осынша ұпай үндістандық Кришна Готамда, ол рапидте де екінші орын алған болатын. Қола жүлдені 9,5 ұпай жинаған қытайлық Чжан Хаочжен өз еліне алып кетеді.