Қазақстанның қазіргі бессайыстан ерлер құрамасы Айти–Нагояда өтіп жатқан XX жазғы Азия ойындарының қола жүлдесін жеңіп алды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Командалық есеп қорытындысы бойынша қазақстандық бессайысшылар үшінші орынға ие болып, 16 жылдан кейін Қазақстанды Азия ойындарының тұғырына қайта шығарды.
Бұған дейін еліміздің өкілдері қазіргі бессайыстан Азия ойындарындағы соңғы жүлдесін 2010 жылы иеленген еді.
Финалдық кезеңде Қазақстан намысын Тихон Варехин, Темирлан Абдраимов, Лев Чувашов қорғады.
"Бұл қола жүлде қазақстандық қазіргі бессайыс үшін маңызды нәтиже болып, жазғы Азия ойындарындағы 16 жылдық жүлдесіз кезеңге нүкте қойды. Ерлер құрамасының бұл медалі Қазақстан құрамасының XX жазғы Азия ойындарының алғашқы жарыс күніндегі жүлделер қорын да толықтырды", - дейді Туризм және спорт министрлігі.
Еске салайық, XX жазғы Азия ойындары Айти–Нагояда 19 қыркүйек пен 4 қазан аралығында өтіп жатыр.