2027 жылдың 1 қаңтарынан бастап Қазақстанда Мемлекеттік әлеуметтік сақтандыру қорынан (МӘСҚ) жұмыстан айырылу бойынша әлеуметтік төлемдерді тағайындау ережелері өзгереді. Оларды алудың ең ұзақ мерзімі үш айды құрайды, ал мөлшері жеті ең төменгі жалақының (ЕЖЖ) 45%-ымен шектеледі. Бұл туралы Qazaqyia.kz порталы Kursiv Media басылымына сілтеме жасап хабарлайды.
Төлемдердің ұзақтығы жұмыс берушінің жұмыскер үшін әлеуметтік аударымдарды қанша уақыт аударғанына байланысты болады.
Осылайша, 2027 жылдан бастап жұмыстан айырылу бойынша әлеуметтік төлемді қазіргі ережелер бойынша алты айдың орнына үш айдан аспайтын мерзімде алуға болады.
Сондай-ақ төлемнің ең жоғары мөлшері де шектелген. Ол жеті ЕЖЖ-нің 45%-ынан аспауы тиіс – ЕЖЖ 85 мың теңге болғанда 267,7 мың теңге. Атап өтілгендей, дәл жеті ең төменгі жалақы бір жұмыскердің әлеуметтік аударымдар есептелетін шекті табыс сомасын құрайды.
Сонымен қатар, БАҚ-та жаңа ережелер пилоттық жоба аясында 2026 жылдың қазанында енгізілгені туралы мәлімделеді.
МӘСҚ-да міндетті әлеуметтік сақтандыру жүйесі Қазақстанда 2005 жылдың 1 қаңтарынан бастап жұмыс істейтінін еске салды. Ол әлеуметтік тәуекелдер туындаған кезде жұмыс істейтін азаматтарды қосымша қорғауды қамтамасыз етеді. Жұмыс берушілер қызметкерлер үшін қорға әлеуметтік аударымдарды аударады, одан кейін тиісті төлемдер қаржыландырылады.
Қабылданған өзгерістер мен олардың күшіне ену мерзімдері туралы ақпаратты МӘСҚ өзінің ресми сайтында жариялайды.
Бұған дейін «Курсив» жұмыс істейтін қазақстандықтар 2027 жылдың 1 қаңтарынан бастап жәрдемақы ала ма деген сұраққа жауап берген болатын.