Қазақстанда жұмыссыз азаматтарды анықтап, оларға бос орындар ұсынатын цифрлық жұмыспен қамту қызметі таныстырылды. Оны Еңбек күні қарсаңында «Еңбек – ел мұраты» іс-шарасында премьер-министр Олжас Бектеновке ұсынды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Павлодар және Маңғыстау облыстарындағы пилоттық жоба 59 мыңнан астам адамды қамтыды. Қараша айынан бастап платформа басқа өңірлерде енгізіле бастайды, деп хабарлады Еңбек министрлігі.
Қызмет адамды жұмыс іздеуден бастап жұмысқа орналасқанға дейін сүйемелдеу үшін деректер мен жасанды интеллект құралдарын пайдаланады. Ол жұмыссыз ретінде тіркелмеген, ұзақ уақыт есепте тұрған немесе оқымайтын және жұмыс істемейтін азаматтарға да арналған. Әрбір қатысушы үшін жүйе жеке жоспар құрады.
Бос орындар адамның профиліне қарай таңдалады. Сервис оған өз өңірінде немесе басқа облыста, ірі кәсіпорында не қоныс аудару бағдарламасы аясында жұмыс ұсына алады.
Еңбек министрлігінің деректері бойынша, жыл басынан бері 475 мыңнан астам қазақстандық жұмыспен қамтылды. Үкімет өндіріс қажеттіліктеріне мамандар даярлауға және цифрлық дағдыларды дамытуға баса назар аударатын жаңа жұмыспен қамту бағдарламасын әзірлеп жатыр.
Іс-шара соңында Бектенов президент Қасым-Жомарт Тоқаевтың атынан Қазақстандағы Еңбек күні қарсаңында жұмысшы және басқа да кәсіп өкілдеріне мемлекеттік наградалар табыс етті.