Қазақстанның тоғыз өңірінде балалар қауіпсіздігі бойынша ауқымды рейдтер өтті. Үш күн ішінде полицияға екі мыңнан астам кәмелетке толмаған жеткізілді, ал 1,8 мыңға жуық ата-ана әкімшілік жауапкершілікке тартылды. Бұл туралы Qazaqyia.kz порталы Polisia.kz басылымына сілтеме жасап хабарлайды.
Рейдтерге 3 мыңға жуық полиция қызметкері қатысып, олар Алматы, Шымкент, Алматы, Жамбыл, Маңғыстау, Павлодар, Солтүстік Қазақстан, Қызылорда облыстарында, сондай-ақ Абай және Ұлытау облыстарында өтті.
Нәтижесінде полиция 2400-ден астам кәмелетке толмағанды жеткізді. Оның ішінде 1500-ден астамы әкімшілік құқық бұзушылық жасағаны үшін, ал 1000-ға жуық жасөспірім қараусыз және панасыз ретінде анықталды.
Полицейлер барлығы 4 мыңға жуық әкімшілік құқық бұзушылықты тіркеді. Балаларды тәрбиелеу жөніндегі міндеттерін тиісінше орындамағаны үшін 257 ата-ана жауапкершілікке тартылды. Тағы 1500-ге жуық ата-ана кәмелетке толмағандардың түнгі уақытта көшеде және ойын-сауық мекемелерінде болғаны үшін жазаланды.
«Көрсетілген өңірлерде профилактикалық іс-шараларды өткізу кезеңінде кәмелетке толмағандар жасаған бірде-бір қылмыс тіркелген жоқ», — деп хабарлады ІІМ.
Мұндай рейдтерді тұрақты негізде өткізу жоспарлануда.
Бұған дейін «Курсив» Қазақстанда кәмелетке толмаған қылмыскердің портреті жасалғаны туралы жазған болатын.