Қазақстанда бетті жасыратын киім кигендерге айыппұл салу жаппай жүргізілуде. Жыл басынан бері 1 600-ден астам азамат айыппұлға ілікті. Бұл туралы Qazaqyia.kz порталы Kursiv Media басылымына сілтеме жасап хабарлайды.
Ішкі істер министрлігінің түсіндіруінше, бетті тануға кедергі келтіретін киім киюге тыйым салу қауіпсіздік талаптарына байланысты. Бұл норма «Құқық бұзушылықтың алдын алу туралы» заңда ресми түрде бекітілген.
Тиісті заңды президент Қасым-Жомарт Тоқаев қол қойып, ол былтырғы маусым айында күшіне енген.
Бүгінгі күні осы құқық бұзушылық үшін 1 613 азамат әкімшілік жауапкершілікке тартылды — оларға ескертулер жасалып, айыппұлдар салынды.
Заңда ерекше жағдайлар да қарастырылған. Егер бет объективті себептермен жасырылса, құқық қорғау органдарының бақылауы қолданылмайды. Мысалы:
- 01Денсаулық жағдайына байланысты
- 02Кәсіби қызметті жүзеге асыру кезінде
- 03Діни сенім бойынша (тек дәстүрлі діни бірлестіктерде)
Әкімшілік құқық бұзушылық туралы кодекстің 434-3-бабына сәйкес, бірінші рет бұзған үшін ескерту жасалады, ал жыл ішінде қайталанған жағдайда 10 АЕК (43 250 теңге) мөлшерінде айыппұл салынады.
Ұқсас, тіпті қатаңырақ ережелер көршілес Қырғызстанда да қолданылады. Онда қоғамдық орындарда никаб киюге тыйым салу 2025 жылдың соңында ресми түрде күшіне енген.
Полиция жаңа заңның сақталуын қамтамасыз ету үшін тұрақты түрде рейдтер жүргізеді. Қырғызстандағы айыппұл Қазақстанға қарағанда едәуір жоғары — бұзушылық үшін 20 мың сом (111,7 мың теңге) төлеуге тура келеді, бұл қазақстандық айыппұлдан екі есе дерлік көп.
Бұған дейін «Курсив» Қазақстанда бетті жасыратын киімнің ресми түрде тыйым салынғанын жазған.