Қазақстан үкіметі 2025–2026 оқу жылына арналған мемлекеттік білім беру гранттарының санын айтарлықтай арттырды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Соңғы бес жылда мемлекеттік білім беру гранттарының саны шамамен 30 мыңға өсті. 2025–2026 оқу жылында гранттардың жалпы саны 93 232-ге жетті. Оның ішінде 77 084 грант бакалавриатқа, 13 229 грант магистратураға және 2 919 грант докторантураға бөлінді.
Үкіметтің мәліметінше, талапкерлерге қосымша қолдау көрсетілуде. Жергілікті атқарушы органдар, салалық бірлестіктер, жоғары оқу орындары және қоғамдық қорлар тарапынан да гранттар берілуде. Бұл білім беру саласындағы қолдау шараларымен қамтылатын талапкерлер санын арттыруға мүмкіндік береді.
Сонымен қатар, елімізде жеңілдетілген білім беру кредиті жұмыс істейді. Ал 2025 жылдан бастап отбасыларға балалардың оқуына қаражатты алдын ала жинақтауға мүмкіндік беретін «Келешек» жинақтау жүйесі іске қосылды. Қазіргі таңда бұл мүмкіндікті ондаған мың отбасы пайдаланып үлгерді.
Үкіметте жоғары оқу орындары студенттеріне арналған жатақханалар мәселесі де қаралды. Соңғы жылдары Қазақстанда ондаған жаңа жатақхана пайдалануға беріліп, соның нәтижесінде өңірлердің басым бөлігінде орын тапшылығы едәуір қысқарған. 2018-2025 жылдар аралығында жалпы 72 125 орындық 281 жатақхана салынып, реконструкцияланып және пайдалануға берілді.