ҰҚК Шекара қызметі шілде айындағы іс-қимыл нәтижелерін жариялады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Ресми мәліметке сәйкес, шекара кеңістігінде ҚР заңнамаларын бұзған 4 975 адам ұсталды, оның ішінде 4 346 шетел азаматтары бар.
Шекара арқылы тауарлар мен жүктерді заңсыз өткізудің 2 476 фактісінің алды алынды, жалпы сомасы 3,9 млрд теңгені құрады. Оның ішінде:
- 0139 факті – есірткі заттары;
- 0288 факті – қарулар мен оқ-дәрілер (108 дана суық қару, 2131 дана оқ-дәрі);
- 031 808 факті – көлемі 150 тоннадан асатын жанар-жағармай материалдары, жалпы сомасы 33,4 млн теңге;
- 04392 факті – жалпы сомасы 1,3 млрд теңгеден астам халық тұтынатын тауарлар;
- 05149 факті – сомасы шамамен 2,1 млрд теңгені құрайтын шетел валютасы.
Каспий акваториясында браконьерлікпен айналысудың 34 фактісінің алды алынды. 24,6 км браконьерлік құрал, сондай-ақ 103 дана бекіре тұқымдас балық (580 кг) тәркіленді.
"Алдын алған шығын сомасы 251 млн теңгеден астамды құрады", - деп жазылған хабарламада.
Осы орайда 63 қылмыстық іс қозғалып, тергеу шаралары жүргізіліп жатыр. Сондай-ақ 38 млн теңгеден астам көлемде айыппұл салынған 4 295 әкімшілік іс өндірісте, дейді шекарашылар.