Қазақстан, Ресей және Өзбекстанның арнайы қызметтері Ауғанстаннан «Солтүстік бағыт» деп аталатын арна арқылы есірткі контрабандасын тоқтатты. Бұл туралы Qazaqyia.kz порталы Kursiv Media басылымына сілтеме жасап хабарлайды.
Қазақстан Республикасының Ұлттық қауіпсіздік комитетінің (ҚР ҰҚК) мәліметінше, бірлескен операция барысында Ресейдің Түмен қаласында халықаралық есірткі тобының екі мүшесі ұсталды.
«Оларды тінту кезінде қара нарықтағы құны шамамен 300 мың АҚШ долларын құрайтын 30 кг ауған гашиші тәркіленді», — деп хабарлады ҰҚК.
Ресейдің құзыретті органдары сотқа дейінгі тергеп-тексеру жүргізуде. Халықаралық заңсыз есірткі айналымына қарсы іс-шаралар жалғасуда.
Бұған дейін «Курсив» ҰҚК Шекара қызметі 2027 жылы сыр мен сары май сатып алуға 1,072 млрд теңге жұмсауды жоспарлап отырғанын жазған болатын. Тиісті хабарландыру мемлекеттік сатып алу порталында жарияланған.