Қазақстан құрамасы ауыр атлетикадан жасөспірімдер және жастар арасындағы Азия чемпионатында жалпы командалық есепте бірінші орынға ие болды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Қазақстандық ауыр атлеттер 59 медаль, соның ішінде 19 алтын медаль жеңіп алды. Ұлттық құрама спортшылары 16 рекорд — 11 Азия және 5 әлем рекордын жаңартты.
Ерекше нәтиже көрсеткен спортшылар
Чемпионатта ерекше нәтиже көрсеткен спортшылардың бірі — Снежана Кашкарова. Ол үш Азия және үш әлем рекордын жаңартып, жарыстың қорытындысы бойынша ауыр атлетикадан Азия чемпионатының үздік спортшысы атанды.
Ал Ксения Прозорова жарыс барысында тағы екі әлем рекордын орнатты, делінген спорт комитетінің хабарламасында.
Чемпионат өткен орын
Айта кетері, 17 жасқа дейінгі қыздар және 20 жасқа дейінгі жастар арасындағы Азия чемпионаты Өзбекстанның Ташкент қаласында өткен болатын.