Бүгін Индонезияда World Boxing эгидасымен өткен U19 және U23 жас санаттарындағы Азия чемпионаты аяқталды. Қорытынды жарыс күнінде ерлер арасындағы финалдар өтті. Қазақстан құрамасы бес алтын және сегіз күміс медаль жеңіп алды. Бұл туралы Qazaqyia.kz порталы Kursiv Media басылымына сілтеме жасап хабарлайды.
19 жасқа дейінгі спортшылар арасында континенттік біріншіліктің жеңімпаздары Бибарыс Аширбай (70 кг) және Владислав Саможонов (+90 кг) атанды. Шешуші кезеңде олар жапониялық Кунимитцу Хонжо мен өзбекстандық Ислам Салиховты жеңді.
Чемпиондықтан бір қадам қалғанда Адиль Асканбай (50 кг), Ақжүрек Қалабай (65 кг), Тимур Тайбеков (80 кг) және Руслан Ахметов (85 кг) тоқтады. Асканбай, Тайбеков және Ахметов Өзбекстан боксшыларына, ал Қалабай Корея спортшысына есе жіберді.
Бұған дейін турнирдің қола жүлдегерлері Едіге Нұрғожа (55 кг) және Жалғас Өтебеков (90 кг) атанды.
U23 жас санатында Қазақстан құрамасы үш алтын алды. Азия чемпиондары Аман Қонысбек (75 кг), Темірлан Мұқатаев (85 кг) және Ибрагим Бетаев (90 кг) болды.
Шешуші жекпе-жекте Қонысбек қырғызстандық Алмаз Орозбековті, Мұқатаев өзбекстандық Норбек Абдуллаевты, Бетаев тағы бір өзбекстандық Самир Собировты жеңді.
Күміс медальдарды Бексұлтан Боранбек (55 кг), Нұрасыл Төлебек (60 кг), Нұрбек Мұрсал (70 кг) және Онер Сейлхан (80 кг) жеңіп алды. Олар Үндістан, Жапония және Өзбекстан (екі рет) спортшыларына есе жіберді.
Бұған дейін турнирдің қола медалін Аслан Елдібайұлы (+90 кг) жеңіп алды.
Кеше әйелдер финалы өтті. Қазақстан құрамасы алты алтын медаль жеңіп алды.
World Boxing эгидасымен U19 және U23 жас санаттарындағы бокстан Азия чемпионаты-2026 Джакартада (Индонезия) 5-16 шілде аралығында өтті. Оған 20 елден 329 спортшы қатысты. Барлығы 40 жүлде жиынтығы ойналды: жігіттер мен қыздар арасында 20-дан. Қазақстан құрамасы 40 спортшыдан тұратын толық құраммен қатысты.