2020 жылы туған баланы Қаражалдан Қарағандыға тікұшақпен шұғыл жеткізіп, дәрігерлерге тапсырды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Қазақстан ТЖМ мәліметінше, балаға шұғыл медициналық көмек қажет болғандықтан, санитарлық тасымалдау «Қазавиақұтқару» тікұшағымен және санитарлық авиация дәрігерлерімен бірлесіп орындалды.
Экипаж бен медициналық бригаданың үйлесімді жұмысының арқасында науқас уақытылы Қарағандыға жеткізіліп, медициналық мекеме мамандарына тапсырылды.
Бұған дейін «Курсив» Ресейден келген екі альпинистті Іле Алатауындағы «Октябренок» және «Маяковский» шыңдарынан ТЖМ тікұшағы эвакуациялағанын хабарлаған. Қыздардың бірі ашық жілік сынығын алған, екіншісінің жарақатының сипаты нақтыланбаған; екеуі де Алматы қалалық клиникалық ауруханасына №4 жеткізілген.