Алматылық «Қайрат» (U19) Юношеская лигасының бірінші раундында өз алаңында черногориялық «Младость Донья Горице» клубының құрдастарын 8:1 есебімен талқандады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Алғашқы матч 15 қыркүйекте өткен болатын. Жора Арутюнянның шәкірттері қонақта 5:0 есебімен ірі жеңіске жетті. Қарымта матч, шын мәнінде, формальдылыққа айналды. Бірақ ол да ірі есеппен аяқталды.
Чемпиондар жолы. Бірінші раунд. Қарымта матч. 14 қазан
⚽ ҚАЙРАТ (Алматы, Қазақстан) – МЛАДОСТЬ ДОНЬЯ ГОРИЦЕ (Подгорица, Черногория) 8:1 (4:0). Бірінші матч 5:0. Голдар: Исмағұлов 5 (1:0), Орынбасар 28 пенальти (2:0), Трубин 37 (3:0), Трубин 42 (4:0), Пантич 70 (4:1), Ташпулатов 76 (5:1), Төлеухан 79 (6:1), Нұржан 88 пенальти (7:1), Жылқайдар 90+1 (8:1). Никочевич (М, 87) қуылды.
5-минутта Тоқе Исмағұлов Черногорияда үшінші гол соққан Ермұхаммед Керімханның пасынан кейін есеп ашты. Ойынның отызыншы минутының соңында австриялық төреші Арнес Талич пенальти тағайындады. Андрия Брновичтің сол Керімханға қарсы фолы үшін берілген айып добын Дәулет Орынбасар орындады – 2:0. Бірінші таймның соңына дейін Артур Трубин дубль жасады – 4:0.
Үзілістен кейін қарсыластар қорғаушылардың голдарымен алмасты. Черногориялық Петар Пантичтің добына Данияр Ташпулатов жауап берді. Содан кейін алаң иелерінің жартылай қорғаушылары Абылай Төлеухан мен екінші пенальтиді соққан Еркін Нұржан көзге түсті. Ал матч нәтижесінің шегін Акежан Каликуловтың пасынан Абылай Жылқайдар қойды – 8:1.
Өткен маусымда жас қайраттықтар Юношеская лигасының жалпы кезеңінде клубтың ересек командалары Чемпиондар лигасында ойнаған сол қарсыластармен ойнаған болатын. Ал қазір алматылық жігіттер Чемпиондар жолымен жүріп келеді. Плей-оффқа шығу үшін оларға үш іріктеу кезеңінен өту қажет.
«Младостьтен» кейін «Қайрат» жастарын 28 қазан мен 4 қарашада венгриялық МТК-мен кездесулер күтіп тұр. Жеңіс жағдайында алматылықтар 25 қараша мен 9 желтоқсанда мальталық «Валеттамен», албандық «Партизанмен» немесе чехиялық «Градец-Кралове» клубымен ойнайды.
Юношеская лигасының 1/16 финалының жеребесі 11 желтоқсанда Ньонда тартылады.
Юношеская лигасының жарыс формуласы мынадай. Бірінші кезеңде 86 ұжым екі үлкен топқа бөлінеді. Ересек Чемпиондар лигасының жалпы кезеңі клубтарының 36 жастар командасы Чемпиондар лигасы жолымен жүреді. Қалған 50-і елдердің Чемпиондар жолымен жүреді. 1/16 финалдан бастап жолдар бірігеді.
Чемпиондар лигасы жолындағы 36 клубтың 22 үздігі 1/16 финалға шығады. Бұл кезеңде 1-ден 6-ға дейінгі орындарды иеленген командалар 17–22 орындарды иеленген қарсыластармен кездеседі. Ал 7-ден 16-ға дейінгі орындардағы клубтар Чемпиондар жолының сегіз үздік командасымен ойнайды.