Қазақстанда психикалық денсаулықты қорғау тәсілі өзгеріп, ауыр зардаптарды емдеуден профилактика мен ерте диагностикаға баса назар аударылады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Үкіметте өткен брифингте Денсаулық сақтау министрі Акмарал Әлназарова жаңа шаралардың егжей-тегжейін айтты. Министрдің айтуынша, жаңа шаралар алдағы төрт жылға (2027-2030) арналған психикалық денсаулықты қорғаудың кешенді жоспарында қамтылған.
«Жоспар психикалық денсаулық мамандарын емханалар жұмысына интеграциялауды, ерте диагностиканы дамытуды, пациент маршрутын цифрландыруды, кадрлық әлеуетті нығайтуды және инфрақұрылымды жаңартуды көздейді», – деді ол.
Сонымен қатар, Әлназарова балалар мен жасөспірімдерге ерекше назар аударылатынын атап өтті.
Жиында салалық ведомстволар өз ұсыныстарын ұсынды. Баяндамаларда нақты не айтылғаны хабарланбады. Алайда, олар ғылыми зерттеулерді дамытуға, мамандар даярлауға, педагогтар мен психологтардың біліктілігін арттыруға, сондай-ақ мүгедек балалар мен ересектерге арналған арнайы әлеуметтік қызметтер мен инфрақұрылымды дамытуға бағытталғаны атап өтілді.
Нәтижесінде алдағы төрт жылға арналған психикалық денсаулықты қорғаудың кешенді жоспары мақұлданды.
Бұған дейін Денсаулық сақтау министрлігі медицина қызметкерлерінің бүкіл мансабын бірыңғай цифрлық жүйеге көшіретіні белгілі болған еді. Бұл жүйе маманның медколледжге түскеннен бастап біліктілігін арттыруға, жұмысқа орналасуына және жұмыс орнын ауыстыруына дейінгі бүкіл жолын қадағалайды.
Сонымен қатар, «Курсив» еліміздегі медициналық жоғары оқу орындарындағы орын саны енді ауруханалар мен емханалардың нақты сұраныстарына қарай есептелетінін жазды.
Егер мақала сізде алаңдаушылық тудырса, оны жасанды психологпен талқылаңыз.