Петропавл қаласында қатты тұрмыстық қалдықтар полигонының артында, Шаховское ауылының маңында құрғақ өсімдік өртенді. Алдын ала деректер бойынша, өрт аумағы шамамен 6 гектарды құрайды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Солтүстік Қазақстан облысының төтенше жағдайлар департаментінің мәліметінше, өрт сөндірушілер бір учаскедегі отты толық жойды. Тағы екі учаскеде сөндіру жұмыстары жалғасуда.
Өртті жоюға Солтүстік Қазақстан облысы ТЖД-нің 110 адамы мен 31 бірлік техникасы жұмылдырылды. Оқиға орнында жедел штаб орналастырылып, төрт жауынгерлік учаске құрылды.
Сонымен қатар, сөндіру жұмыстарына теміржол кәсіпорнының өрт пойызы тартылды.
ТЖД атап өткендей, оттың таралуына қатты жел ықпал етеді. Негізгі күштер өртті тежеуге және жақын орналасқан елді мекендер мен нысандарды қорғауға шоғырландырылған.
HALYQSTAN Telegram-арнасының деректері бойынша, өрттен шыққан қою түтін Петропавлға жеткен, тұрғындар күйік иісіне және көрінудің нашарлауына шағымдануда.
Ахуал Солтүстік Қазақстан облысы ТЖД-нің бақылауында қалып отыр.
Бұған дейін «Курсив» Алматы облысында Ұзынағаш ауылының маңындағы жұмыс істеп тұрған қатты тұрмыстық қалдықтар полигонындағы өрттің оқшауланғанын жазған болатын. От 500 шаршы метр аумаққа таралып, сөндіруге 33 адам мен 22 бірлік техника жұмылдырылған еді.