Ресей президенті Владимир Путин мен АҚШ президенті Дональд Трамп арасындағы жаңа кездесуге қатысты әзірге нақты ақпарат жоқ. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Бұл мәлімдемені Ресей президентінің баспасөз хатшысы Дмитрий Песков тілшілерге берген сұхбатында айтты.
«Жоғары деңгейдегі кездесулерге қатысты әзірге нақты ақпарат жоқ. Ресей-Америка кездесуіне қатысты президент дайын. Президенттер Путин мен Трамп телефон арқылы сөйлесулерінде қажет болған жағдайда тағы бір кездесу өткізуге дайын екендіктерін мәлімдеген», — деді Песков.
Сонымен қатар Песков Украинаны милитаризациялау жалғасып жатқанын атап өтті.
«Украинаны милитаризациялау жалғасып жатыр, ал еуропалық елдер қару-жарақ сатып алуға көбірек қаржыландыру табуға тырысып жатыр», — деді ол тілшілерге.
Дмитрий Песков қазіргі уақытта Украина бойынша бейбіт келіссөздерге кірісу үшін ешқандай алғышарттар жоқ екенін, дегенмен Ресей оларға ашық болып қала беретінін жеткізді.