Қазақстан мен Ресейдің шекара маңындағы ауданында магнитудасы 4,9 болатын жер сілкінісі болды. Бұл туралы Qazaqyia.kz порталы Kursiv Media басылымына сілтеме жасап хабарлайды.
ҚР Ұлттық ядролық орталығының Геофизикалық зерттеулер институтының Деректер орталығының мәліметінше, жер асты дүмпулері 2026 жылғы 18 шілдеде Астана уақытымен сағат 02:09-да тіркелген.
«Жер сілкінісінің эпицентрі екі елдің шекаралас аймағында, Павлодардан солтүстік-шығысқа қарай шамамен 200 шақырым жерде орналасқан. Эпицентрдің координаттары солтүстік ендіктің 53,36 градусы және шығыс бойлықтың 77,96 градусы болды», — делінген хабарламада.
Сонымен қатар, 18 шілде күні таңертең сейсмологтар тағы бір жер сілкінісін тіркеді. Бұл жолы эпицентр Қытай аумағында болды. Ол Астана уақытымен сағат 10:47-де болды.
Қазақстан аумағында екі жер сілкінісінің де сезілуі, сондай-ақ құрбандар мен қираулар туралы ақпарат түскен жоқ.
Бұған дейін «Курсив» Тараз тұрғындары жер асты дүмпулерін сезінгені туралы жазған болатын.