Павлодардағы жалпы білім беретін мектептердің бірінде шатыр өртенді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Төтенше жағдайлар министрлігінің мәліметінше, қаза болғандар мен зардап шеккендер жоқ.
Өрт сөндірушілер оқиға орнына келгенде, профильді парақтың астындағы оқшаулағыш материал жанғанын анықтады. Болжам бойынша, өрт шатыр жұмыстары кезінде пайда болған.
Құтқарушылар келгенге дейін ғимараттан 10-ға жуық адам өздігінен эвакуацияланды.
Өрт сөндірушілер жалынның шатырдың бүкіл аумағына таралуына жол бермеді. Өртті сөндіру шатырдың құрылымына байланысты қиындады: нысанда қос төбе принципі бойынша металл каркас орнатылған, ал шатырдың өзі екі жағынан профильді парақпен қапталған. Өрт ошағы құрылымның ішінде болғандықтан, оны анықтау қиынға соқты.
Жасырын өрт ошақтарын іздеу үшін өрт сөндірушілер тепловизорды қолданып, суды тікелей жану орнына беру үшін шатырдың учаскелерін ашты.
Төтенше жағдайлар министрлігі өрт қауіпсіздігі ережелерін сақтау қажеттігін еске салып, төтенше жағдай туындаған кезде 112 нөміріне қоңырау шалуды сұрайды.
Бұған дейін «Курсив» 26 шілдеде Павлодарда тоғыз қабатты үйдің жетінші қабатындағы пәтерде өрт болғанын жазған болатын. Подъезден 20 адам, оның ішінде бес бала өздігінен эвакуацияланған. Ауданы 25 шаршы метр болатын өрт сөндірілді, зардап шеккендер болған жоқ.