Орталық Африка Республикасының батысындағы алтын кенішінің құлауынан қаза тапқандар саны 100-ден асты, деп хабарлады сәрсенбіде құтқару жұмыстарына қатысқан Қызыл Крест еріктісі мен жергілікті шенеунік. Бұл туралы Qazaqyia.kz порталы Associated Press басылымына сілтеме жасап хабарлайды.
Сейсенбі таңертең Камерунмен шекарадағы Нан-Мамере префектурасындағы Замбое ауылында орналасқан қарапайым, қолмен жұмыс істейтін алтын кеніші құлады.
Жергілікті Қызыл Крест еріктісі Жерве Ганагорохтың айтуынша, қазірге дейін 100-ден астам мәйіт табылған, ал бірнеше аман қалғандар ауыр жарақат алған.
Замбое жастар кеңесінің мүшесі Бертран Бе Янгенің айтуынша, қаза тағандар саны 100-ден асып, ол әлі де өсуі мүмкін, өйткені бірнеше адам әлі хабарсыз, ал басқалары қирағандар астында қалған.
«Оларды тірі табу ғажайып болар еді», — деді Янген. «Біз отбасыларын үмітсіздіктен құтқару үшін кенішке келген жас жігіттер мен қыздардың қаза тапқанына қайғырып, жүрегіміз ауырады», — деп қосты ол.