Шымкенттік «Ордабасы» тарихында екінші рет Қазақстан футбол чемпионатын жеңіп алды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Чемпиондық атақ тағдыры 25 қазанда Қазақстан премьер-лигасының 29-турындағы матчтан кейін шешілді. «Қайрат» «Ақтөбе»мен 2:2 есебімен тең ойнап, көшбасшыны қуып жетудің соңғы мүмкіндігінен айырылды.
Чемпионат аяқталуына бір тур қалғанда «Ордабасының» 68 ұпайы, «Қайраттың» 64 ұпайы бар. Қорытынды матчтағы жеңіс те алматылықтарға төрт ұпайлық айырмашылықты қысқартуға мүмкіндік бермейді.
Шымкенттік клуб үшін бұл тарихтағы екінші чемпиондық титул. «Ордабасы» алғаш рет 2023 жылы алтын медаль жеңіп алған болатын. Келесі екі маусымда чемпион «Қайрат» атанды.
Айта кетейік, «Ордабасы» жеке меншікке өткеннен кейінгі бірінші маусымда-ақ чемпиондық титулын қайтарып алды. 2026 жылдың тамызында клуб Integra Construction KZ иесі, кәсіпкер Шахмурат Муталиптің басқаруына толық өтті. Сол кезде клуб президенті қызметін атқарған Дархан Кызайбаев директорлар кеңесінің төрағасы болып тағайындалды. Жаңа президент болып Жасулан Барманкулов сайланды.
Осылайша, команда жаңа басшылық құрамы жұмыс істей бастаған алғашқы жылы-ақ алтын медаль жеңіп алды.
«Қайрат» ағымдағы маусымды күміс медальдармен аяқтайды. Үшінші орын үшін астаналық «Астана» мен көкшетаулық «Оқжетпес» арасында күрес жалғасуда.
Қорытынды турда 31 қазанда «Ордабасы» Павлодардың «Ертіс» клубымен сырт алаңда кездеседі. Бұл кездесудің нәтижесі шымкенттіктердің чемпиондығына әсер етпейді.