Оман сұлтаны Хайсам бен Тарик Аль Саид 5–6 қазанда Қазақстанға мемлекеттік сапармен келеді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Сапар Қазақстан президенті Қасым-Жомарт Тоқаевтың шақыруымен өтеді.
Жоғары деңгейдегі келіссөздер
Ақорда баспасөз қызметінің хабарлауынша, мемлекет басшылары келіссөздер жүргізіп, қазақ-оман бизнес-форумына қатысады.
«Жоғары деңгейдегі келіссөздер өткізу жоспарланып отыр, оның барысында тараптар саяси диалогты нығайту, сондай-ақ сауда-экономикалық, инвестициялық және мәдени-гуманитарлық ынтымақтастықты кеңейту перспективаларын талқылайды», — делінген Ақорда баспасөз қызметінің хабарламасында.
Бизнес-форум
Сапар аясында қазақ-оман бизнес-форумы өтеді. Онда екі елдің іскер топтары сауда-экономикалық және инвестициялық ынтымақтастық мәселелерін талқылайды.
Бұған дейін
Бұған дейін «Курсив» Тоқаевтың Германия президенті Франк-Вальтер Штайнмайермен Берлиндегі келіссөздері туралы жазған болатын.