Англиядағы білім беру саласындағы қауіпсіздікке жауапты орган Ofsted, аутизм мен экстремизмді байланыстыратын нұсқаулықты танымал тұлғалардың наразылығынан кейін алып тастады. Бұл туралы Qazaqyia.kz порталы The Guardian басылымына сілтеме жасап хабарлайды.
Білім министрі жаңартылған оқу құжатында «аутизмі бар балаларға сілтеме жоқ» екенін, бұған дейін бұл нұсқаулық «қорлайтын» және «өрескел» кемсітушілік деп айыпталған еді.
Бұл натуралист Крис Пэкхэм, комедианттар Пол Уайтхаус пен Джонни Вегас қатысқан шерулерден кейін және үкіметтің дерадикализация бағдарламасы Prevent-ке жіберілген аутист балалар санының артуына байланысты болды.
The Guardian бір жыл бұрын жүздеген инспекторларды оқыту үшін қолданылған құжатта аутизмі бар балалар «экстремизмге бейім болу қаупі жоғары» және «экстремизмге тартылуы мүмкін» деп айтылғанын жариялаған болатын.
«Inspection Safeguarding Session – Prevent Extract 2024» деп аталатын құжатты алғаш рет Rights & Security International құқық қорғау тобы анықтады. Онда: «Аутизмі бар балалар мен жасөспірімдер экстремизмге бейім болу қаупі жоғары. Себебі оларда ерекше қызығушылықтар дамуы ықтимал. Осыған және әлеуметтік қарым-қатынас қажеттіліктеріне байланысты аутизмі бар балалар әлеуметтік оқшаулануға бейім, сондықтан достар табу үшін интернетті пайдаланады. Олар оқыған ақпаратқа және онлайн тапқан «достарына» сенеді, осылайша экстремизмге тартылуы мүмкін», – делінген.
Ұлттық аутизм қоғамы бұл құжат аутистік белгілерді стигматизациялау қаупі бар екенін айтты, ал құқық қорғау ұйымы нұсқаулықтың «аутист балаларға нысана қоятынын» мәлімдеді.
Аспергер синдромы (аутизмнің бір түрі) диагнозы қойылған тележүргізуші Пэкхэм бұл кеңесті «мектепте және қоғамда одан да көп жас адамдар кемсітушілікке ұшырамас бұрын» тоқтатуға шақырды.
Ofsted 2025 жылдың маусымында құжатты қорғап, оқыту балалардың экстремизмге бейім болуы мүмкін әртүрлі жағдайларды түсінуге көмектесетінін айтты.
Алайда, білім министрінің көмекшісі Джош Макалистер парламенттік сұраққа жауап бере отырып, инспекторларға арналған жаңартылған нұсқаулықта бұл байланыстардың жоқ екенін мәлімдеді.
Либералдық демократтар партиясының депутаты «аутизмі бар балаларды экстремизмге бейім деп көрсететін» Ofsted материалдарына баға берілгенін сұрағанда, Макалистер: «Ofsted жаңартылған білім беру инспекциясы жүйесін енгізді, инспекторларға арналған жаңа оқыту, оның ішінде Prevent міндеті бойынша жаңартулар енгізілді, енді аутизмі бар балаларға сілтеме жоқ», – деп жазды.
Ofsted өкілі: «Ofsted аутизмі бар балаларды «ықтимал экстремистер» деп белгілемейді және ешқашан белгілеген емес. Басқаша айту ақылға сыймайды. Инспекторларға арналған ескі оқу материалы кейбір осал балалардың манипуляцияға бейім болуы мүмкін екенін көрсетті. Біз мектеп инспекциясы жүйесін жаңарттық. Жаңа жүйе инспекторларға арналған жаңа оқытуды, оның ішінде Prevent міндеті бойынша жаңартылған оқытуды қажет етті», – деді.