Шымкент қаласындағы сотта Нурай Серікбайдың өліміне байланысты іс бойынша талқылау жалғасуда. Кезекті отырыста қызды ұрлағаннан кейін полиция бөлімінде түсірілген бейнежазбаға сараптама жүргізілді. Онда Нурай сотталушыға ешқандай талабы жоқ екенін айтады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Судья Саммидин Темирлаев сарапшылардың қорытындысын оқып шықты. Олар Нурайдың Шерхан Аймаханмен ерікті түрде кеткенін айтатын видеоны зерттеді. Сөйлеу талдауы қыздың дайын мәтінді біреудің айтуымен немесе алдын ала келісілген сөздерді оқығанын көрсетті.
«Әңгіме дәйекті және логикалық түрде баяндалған. Сөйлеуде жазбаша тілге тән күрделі синтаксистік құрылымдар бар, өз ойын баяндауда дербес бастама жоқ. Сөйлеу орташа қарқынмен, сараланған үзілістермен және бірқалыпты, сабырлы дауыспен айтылады. Сарапшылар сөйлеуде мәтінді алдын ала ойластыру және дайындау белгілері бар деген қорытындыға келді», — деді Темирлаев.
Сарапшылардың қорытындысы қызды бөлімге жеткізген бұрынғы полицей Абильхазы Артыкбайдың көрсетпелерін толығымен жоққа шығарды. Бұған дейін сотта экс-құқық қорғаушы Нурайға ештеңе айтпағанын және мәтін алдын ала дайындалмағанын мәлімдеген еді.
Еске салайық, 2026 жылдың 11 қаңтарында Шымкентте 21 жастағы студент Нурай қатігездікпен өлтірілген болатын. Сот процесі жалғасуда.