Норвегияның оңтүстігіндегі Драммен қаласында болған ірі өрт салдарынан 100-ден астам үй қирап, жүздеген адам эвакуацияланды. Бұл туралы Qazaqyia.kz порталы BBC News басылымына сілтеме жасап хабарлайды.
Құтқару қызметкерлерінің мәліметінше, өрт Ослодан шамамен 30 миль (48 км) батысқа қарай орналасқан Драммен қаласындағы үйлерді шарпыған. Құрбандар мен із-түзсіз жоғалғандар туралы әзірге хабар жоқ.
Өрт сөндірушілердің ондаған тобы жалынды ауыздықтау үшін күресіп жатыр, өрт жақын маңдағы орманға да тараған. Жергілікті полиция өрттің әлі де бақылауға алынбағанын хабарлады.
Өрттің қайдан және қалай басталғаны әзірге белгісіз, бірақ Драммен Қызыл Крест қызметкері Томас Эвьеннің айтуынша, ауа райы жағдайына байланысты өрт тез тараған. «Бұл соңғы кездегі ыстық туралы айтады. Өте құрғақ болды. Өрт басталғаннан кейін тез тарады. Біз осыны көріп отырмыз», - деді Эвьен Reuters агенттігіне.