Норвегия құрамасы 2026 жылғы әлем чемпионатын сәтті бастады. I тобындағы матчта норвегтер Иракты 4:1 есебімен жеңді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Норвегия құрамасының шабуылшысы Эрлинг Холанд ерекше көзге түсті. Ол 29-минутта есеп ашты, ал екінші голын 43-минутта соқты. Тағы бір допты қорғаушы Лео Эстигор соқты, ол жартылай қорғаушы әрі команда капитаны Мартин Эдегордың пасын қақпаға енгізді.
Ирак құрамасының жалғыз голын шабуылшы Аймен Хуссейн соқты.
Осы жеңістен кейін норвегтер үш ұпай жинап, I тобында француздармен бірге бірінші орынға тұрақтады.
Екінші турда Норвегия құрамасы Сенегал командасымен ойнайды. Ирактықтар Франция құрамасымен кездеседі. Екі матч та 23 маусымға қараған түні өтеді.
2026 жылғы әлем чемпионаты 11 маусымда басталып, 19 шілдеде аяқталады. Ол алғаш рет үш елде – АҚШ, Канада және Мексикада – өтіп жатыр және алғаш рет 48 құраманы жинады. Топтық кезеңнен кейін әр топтың екі үздік командасы және үшінші орын алғандардың ішінен сегіз үздік құрама күресті жалғастырады.
Қазіргі әлем чемпионы – Аргентина құрамасы.
Бұған дейін «Курсив» Килиан Мбаппенің дублі Франция құрамасына 16 маусымдағы футболдан әлем чемпионаты матчында Сенегалды жеңуге көмектескенін жазған болатын. Ойын 3:1 есебімен аяқталды.