Қазақстандықтар есту қабілетінің бұзылуы кезінде мүгедектігі болмаса да, медициналық көрсетілімдер бойынша есту аппараттарын ала алады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Жаңа механизмді ҚР Денсаулық сақтау министрлігі әзірледі. Ведомствоның уәдесінше, барлық ұйымдастырушылық рәсімдер аяқталғаннан кейін бұл көмекті ел бойынша мыңдаған пациент пайдалана алады.
Бүгінге дейін есту аппараттары тегін тек ауыр есту қабілеті бұзылған мүгедектігі бар азаматтардың жекелеген санаттарына ғана беріліп келді. Енді бұл құқықты сурдолог дәрігер есту протездеуін тағайындаған барлық пациент алады.
«Есту қабілетін ерте оңалту өмір сапасын сақтауға, оқу, қарым-қатынас және әлеуметтік бейімделу мүмкіндіктерін жақсартуға көмектеседі», — деп атап өтті ҚР Денсаулық сақтау министрлігі Ана мен бала денсаулығын қорғау департаменті директорының міндетін атқарушы Жанар Садуова.
Есту аппаратын алу үшін пациент сурдологқа тексеруден өтуі қажет. Дәрігер есту қабілетінің төмендеу дәрежесін бағалап, тиісті модельді таңдап, медициналық қорытынды ресімдейді.
Жаңа жүйе тек есту аппаратын беруді ғана емес, сонымен қатар құрылғыны жеке таңдау мен баптауды, құлаққапты дайындауды, пациентті оқытуды, сондай-ақ кепілдік және кепілдіктен кейінгі қызмет көрсетуді қамтиды.
Денсаулық сақтау министрлігінің мәліметінше, есту қабілетінің әртүрлі дәрежедегі төмендеуі бар пациенттерге арналған әртүрлі қуаттағы заманауи есту аппараттарының тізімі қалыптастырылған.
Бұған дейін «Курсив» швейцариялық ғалымдардың жаңа зерттеуі туралы хабарлаған болатын. Олар есту аппараттарын қолдану эпилепсия мен есту қабілетінің жоғалуымен бірге зардап шегетін адамдарда деменция қаупінің төмендеуімен байланысты болуы мүмкін екенін анықтады.
Егер мақала сізде алаңдаушылық тудырса, оны жасанды психологпен талқылаңыз.