Мұхтар Тілеуберді Қазақстан Республикасының Сыртқы істер министрі болып тағайындалды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Ақорданың хабарлауынша, Мемлекет басшысының жарлығымен Мұхтар Бескенұлы Тілеуберді Қазақстан Республикасының Сыртқы істер министрі болып тағайындалды, ол бұрынғы атқарған лауазымынан босатылды.
Мұхтар Тілеуберді туралы не білеміз
Мұхтар Бескенұлы Тілеуберді 1968 жылы 30 маусымда туған. Киров атындағы Қазақ мемлекеттік университетінің философия-экономика факультетін бітірген. М.В.Ломоносов атындағы Мәскеу мемлекеттік университеті жанындағы Азия және Африка институтында және Йенсе Университеті (Корей Республикасы) жанындағы Тілдер институтында тәжірибе алған.
Университетті аяқтағаннан кейін Әл-Фараби атындағы ҚазҰУ-дің философия тарихы және қытай филологиясы кафедраларында жұмыс істеген. ҚР СІМ-дегі дипломатиялық қызметін 1993 жылы атташе болып бастады. Әр жылдары Малайзия, Индонезия, Филиппин, Швейцария және тағы басқа мемлекеттерде елшілік қызметті атқарған.
"Төтенше және өкілетті елші" дипломатиялық дәрежесі бар. 2016 жылдың наурызында сыртқы істер министрінің бірінші орынбасары болып тағайындалды. 2019 жылы сыртқы істер министрі болып тағайындалды. 2021 жылы премьер-министр орынбасары болып тағайындалып, екі қызметті бірге атқарды. 2023 жылдың 14 тамызында Қазақстанның Аустриядағы төтенше және өкілетті елшісі болып тағайындалды.