Энергетика министрі Алматыдағы ТЭЦ-3 жаңарту және газға көшіру жұмыстарының барысын сынға алды. Жоба тек 26% дайын, ал министр мерзімдер бұзылса, мердігерлер мен тапсырыс берушілерге жаза қолдану қаупін төндірді. Бұл туралы Qazaqyia.kz порталы Kursiv Media басылымына сілтеме жасап хабарлайды.

Энергетика министрі Ерлан Ақкенженов Алматыдағы ТЭЦ-2 және ТЭЦ-3 газға көшіру жобаларының орындалу барысын тексерді. ТЭЦ-3 жұмыстары кестеден қатты артта қалғаны анықталды. Жоба тек 26% дайын, алаңда негізгі жабдық жетіспейді. Құрылыста қажетті 1,6 мың адамның орнына бар болғаны 600 адам жұмыс істейді. Бұл станцияның негізгі тораптарын, соның ішінде тарату құрылғысы мен басқару жүйелерін салуды кешіктіреді.

«Объективті мерзімдер бекітілген, ешқандай перенос талқыланбайды! Кадр тапшылығын дереу жоюды және құрылыстағы арнайы техника көлемін еселеп арттыруды талап етемін», – деді Ерлан Ақкенженов.

Министр тапсырыс беруші мен бас мердігерге құрылыс қарқынын арттыруды, қосымша жұмысшылар мен мамандарды, сондай-ақ қажетті техниканы тартуды тапсырды. Ақкенженов сонымен қатар жабдық жеткізуін жеделдету шараларын қабылдауды және жұмыс кестесін жаңартуды, бірақ белгіленген мерзімдерден шықпауды тапсырды.

Министр егер жақын арада объектіде ресурстар жұмылдырылмаса, тапсырыс беруші мен мердігерлер қатаң жазаға тартылуы мүмкін екенін мәлімдеді.

Айта кетейік, жобаның тапсырыс берушісі «Алматы электр станциялары» (АлЭС) компаниясы, ал мердігері – KBI EnergyGroup бастаған консорциум, оның құрамына «Энерго Спец Строй», «СтандартЭнерго KZ» және «Стройиндустрия» да кіреді.

Министр алдын ала жариялаған ТЭЦ-3 құрылысын аяқтау мерзімі – 2026 жылдың соңы.

Министр сондай-ақ ТЭЦ-2 жұмыстарын тексерді, онда жағдай айтарлықтай жақсы болып шықты. Объект 92% дайын, технологиялық жабдықты жеткізу іс жүзінде аяқталды, алаңда 1,5 мың маман және 140-тан астам құрылыс техникасы жұмыс істейді.

Ақкенженов құрылыстың қол жеткізілген қарқынын сақтау міндетін қойды. Мердігер ұйымдарға қосымша бейінді мамандарды, оның ішінде монтажшылар мен дәнекерлеушілерді тарту, сондай-ақ құжаттаманы келісу рәсімдерін аяқтауды жеделдету тапсырылды.

Еске салайық, 2026 жылдың қаңтарында Энергетика министрлігінің басшысы Алматыдағы ЖЭО-ны газдандыру барысын тексеріп, ТЭЦ-3 жұмыстарын да сынға алған болатын.