Футболдан 2026 жылғы әлем чемпионаты кезінде мексикалық Сапопан қаласындағы FIFA Fan Fest-те қазақстандық әнші Димаш Құдайбергеннің әндері шырқалды. Бұл туралы Qazaqyia.kz порталы Kursiv Media басылымына сілтеме жасап хабарлайды.
FIFA Fan Fest — бұл FIFA-ның Халиско штатының үкіметімен бірлесіп ұйымдастырған әлем чемпионатының ең ірі ресми фан-аймақтарының бірі. Мұнда матчтардың трансляциясынан бөлек, концерттер, мәдени бағдарламалар, гастрономиялық фестивальдар және әртүрлі интерактивті іс-шаралар өтеді.
Димаштың ресми жанкүйерлер сайтының хабарлауынша, музыкалық бағдарламаға қатысушылардың бірі — Angeloo сахналық атымен танымал 13 жастағы мексикалық орындаушы Анхель Херардо Коваррубиас Кабрера. Оның айтуынша, ол Димаштың шығармашылығымен 10 жасында танысып, оның вокалы ғана емес, әндері арқылы жеткізетін идеялары да шабыттандырған.
2025 жылы Angeloo La Voz Zapopan de los Niños y las Niñas балалар вокалдық байқауында SOS әнін испан тілінде орындап, жеңіске жетті. Осы жеңісінің арқасында ол FIFA Fan Fest сахнасында өнер көрсетуге шақыру алды.
Екі мыңнан астам көрермен алдында жас әнші Diva Dance, Sinful Passion және When I’ve Got You композицияларын орындады. Оның өнерін Димаштың мексикалық жанкүйерлер клубы Dears Jalisco Mexico қолдады.
«Димаштың хабарын көп адамға жеткізу мені қуанышқа бөлейді. Мен ол туралы мүмкіндігінше көп адам білгенін қалаймын және бір күні онымен кездесіп, өмірімді өзгерткені үшін алғыс айтуды армандаймын», — деді Angeloo.
Бұған дейін Kursiv LifeStyle Димаш Құдайбергеннің қарындасы Раушанның Францияда «Акерке» трегімен жанғаны туралы хабарлаған болатын.