Маңғыстау облысында полицейлер велосипедпен әлемдік сапарға шыққан венгриялық саяхатшыға көмек көрсетті. Ол Ақтау-Қаламқас тас жолының 55-ші километрінде ілініп қалған. Бұл туралы Qazaqyia.kz порталы Kursiv Media басылымына сілтеме жасап хабарлайды.
Облыстық полиция департаментінің мәліметінше, шетелдік велосипедпен үлкен халықаралық сапар жасап жүрген. Ол өз маршрутын Венгриядан бастап, Қырғызстан арқылы өтіп, Қазақстанға келген, одан әрі Қытайға бет алмақ болған. Алайда Ақтаудан шыққаннан кейін ер адамның велосипеді бұзылып, ол жолды өз бетінше жалғастыра алмаған.
«Полицейлер саяхатшыны трассада байқап, не болғанын білу үшін тоқтады. Оған көмек қажет екеніне көз жеткізіп, олар өтіп бара жатқан «ГАЗельді» тоқтатып, велотуристі велосипедімен бірге Ақтауға дейін жеткізуді ұйымдастырды», — деп хабарлады департаментте.
Шетелдік полицейлерге назар аударғаны, көмек көрсеткені және жанашырлық танытқаны үшін алғыс білдірді.
Бұған дейін «Курсив» Марокколық саяхатшының велосипеді ШҚО-да бұзылғаны туралы жазған болатын. Ал «Барселонадан келген Нэнси» атты қытайлық турист Қостанай облысындағы трассада екі рет қиындыққа тап болды. Бірінші рет 57 жастағы саяхатшыны автокемпінде түнде көктайғақта полицейлер құтқарса, екінші рет дәрігерлер жылытып, түнеуге орналастырды.
Сонымен қатар, Қазақстанда туристер мен экскурсоводтардың құтқарушыларға өз жоспарлары мен маршруттары туралы хабарлауын міндеттейтін жаңа ережелер енгізу ұсынылып отыр.