Ресейлік «Любэ» тобының бэк-вокалисті Алексей Тарасов 64 жасында қайтыс болды. Музыканттың қайтыс болғаны туралы топ әлеуметтік желілерде хабарлады. Бұл туралы Qazaqyia.kz порталы Kursiv Media басылымына сілтеме жасап хабарлайды.
«Жарық болсын. Алексейді таныған және жақсы көрген туыстарына, жақындарына және барлық адамдарға шын жүректен көңіл айтамыз», — делінген топтың хабарламасында.
Ресейлік БАҚ-тың хабарлауынша, Тарасов 30 қазанда қайтыс болған. Соңғы айларда ол топтың концерттеріне қатыспаған. Жанкүйерлердің атап өтуінше, жаздың басынан бастап оның орнына ұлы Серафим шыққан, ол да музыкант болған.
Тарасов 1961 жылы 2 желтоқсанда Мәскеуде дүниеге келген. Ол Ипполитов-Иванов атындағы Музыкалық академияның дирижерлік-хор бөлімін бітірген.
«Любэ» тобының ресми сайтындағы өмірбаянына сәйкес, музыкант топ құрылған күннен бастап онымен бірге жұмыс істеген және барлық альбомдардың жазбасына қатысқан. Алайда ол топтың концерттік құрамына 2005 жылы кірген.