Астаналық мониторинг және жедел әрекет ету орталығы LRT желісіндегі атаулы мектеп және жеңілдік транспорт карталарын қайда рәсімдеуге болатынын айтты. Бұл туралы Qazaqyia.kz порталы Kursiv Media басылымына сілтеме жасап хабарлайды.
Картаны екі жолмен алуға болады. Бірінші нұсқа – кез келген LRT станциясына барып, картаны рәсімдеуден кейін бірден алу. Екінші әдіс transcard.kz сайты арқылы өтінім беріп, картаны Орталық кассадан алуды көздейді.
Орталық касса мына мекенжайда орналасқан: Астана, Рахымжан Қошқарбаев даңғылы, 50/1.
Транспорт картасын рәсімдеу құны 1200 теңгені құрайды.
Атаулы мектеп картасын Астананың оқу орындарында оқитын 7 бен 18 жас аралығындағы оқушылар рәсімдей алады.
Жеңілдік транспорт карталары Астанада тіркелген және тұрақты тұратын, қалалық мәслихат бекіткен жеңілдік санаттарына жататын тұрғындарға қолжетімді.
Жеңілдікті жол жүру құқығы бар санаттардың толық тізімі CTS сайтындағы Жария шартқа қосымшада жарияланған.
Картаны рәсімдеу үшін туу туралы куәлік немесе жеке куәлік, оқу орнынан анықтама не жеңілдік құқығын растайтын құжат, сондай-ақ 3×4 өлшемді фотосурет ұсыну қажет.
Касса қызметкерлері фотосуретті тікелей орнында түсіре алады.
Құжаттарды тапсыру кезінде мөрлер мен елтаңбалық мөртаңбалардың бар-жоғын тексеру үшін түпнұсқаларды көрсету қажет.
Жекелеген жеңілдік санаттары үшін, оның ішінде қамқоршылар, заңды өкілдер, көпбалалы аналар мен көпбалалы отбасылар үшін арнайы талаптар қарастырылған.
Зейнетақы куәлігінде Астана қаласы бойынша ведомствоаралық есеп айырысу орталығының немесе «Азаматтарға арналған үкімет» мемлекеттік корпорациясының елтаңбалық мөрімен расталған жеңілдіктің қолданылу мерзімі туралы өзекті белгі болуы тиіс.
Станцияларда атаулы карталарды рәсімдеу күн сайын сағат 07:00-ден 19:45-ке дейін жүзеге асырылады. Үзіліс сағат 13:00-ден 14:00-ге дейін қарастырылған.
Қалалық және қала маңындағы автобус бағыттарында жүруге арналған транспорт карталары тек Орталық кассада беріледі.
Бұған дейін CTS Косшыдағы LRT құрылысы туралы жаңа мәліметтерді жария етті.