Ресей Сыртқы істер министрі Сергей Лавровтың айтуынша, АҚШ-тың арнайы өкілі Стив Виткоффпен және АҚШ президентінің күйеу баласы Джаред Кушнермен өткен келіссөздердің мазмұны АҚШ президенті Дональд Трамптың Украинаның НАТО-ға қосылуының мүмкін еместігі туралы ұстанымына негізделген. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
"Талқыланған мәселенің мәні — мұны сізге сеніммен айта аламын — президент Трамптың кабинетіне оралысымен бірден Украинаға қатысты істер бойынша айқындаған ұстанымына саяды... Ол Украинаны Солтүстік Атлантикалық альянсқа тарту әрекеті туралы тіпті ойламау керектігін айтты", — деді Лавров "Бірінші арнадағы" "Большая игра" бағдарламасына берген сұхбатында.
Америкалық тележүргізуші Эндрю Наполитаноның арнайы өкілдер Виткофф пен Кушнердің Мәскеуге сапарының нәтижесіне қатысты қойған сұрағына жауап бере отырып, министр келіссөздерге қатысқан Ресей президентінің көмекшісі Юрий Ушаковтың бұл жөнінде егжей-тегжейлі түсініктеме беріп қойғанын атап өтті.
Лавров арнайы өкілдердің Мәскеуге не әкелгені немесе Киевке не алып кеткені туралы болжам жасағысы келмейтінін баса айтты.