Paramount Pictures компаниясы «Angry Birds 3» мультфильмінің алғашқы трейлерін ұсынды. Басты тосынсыйлардың бірі – Ким Кардашьян мен Канье Уэсттің жеті жасар ұлы Псалм Уэсттің кино саласындағы дебюті болды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Псалм Уэст Олли есімді балапанды дыбыстады. Бұл оның толықметражды фильмдегі алғашқы рөлі. The Kardashians реалити-шоуының бір эпизодында Ким Кардашьян ұлының кейіпкерді дыбыстау ұсынысына қуана келіскенін айтты.
«Менің ойымша, адамдар Псалмды әрең таниды. Ол өте ақылды, көңілді бала және оның даусы керемет әдемі. Оған жаңа балапанды дыбыстау ұсынылғанда, ол қатты қуанды», – деп бөлісті Кардашьян.
Шоуда Кимнің ұлын дыбыс жазу студиясына ертіп барып, оның микрофон алдындағы жұмысын бақылағаны да көрсетілді.
Жаңа мультфильмде басты кейіпкер Рэд өзіне әке рөлін меңгеруі керек. Сильвермен бірге олар үш балапанды тәрбиелейді. Үлкен ұлы Гилдерді Уокер Скобелл, қызы Джунды Эмма Майерс, ал ең кішісі Оллиді Псалм Уэст дыбыстады.
«Angry Birds 3» дыбыстауына Джейсон Судейкис, Джош Гад, Дэнни Макбрайд, Лили Джеймс, Кеке Палмер, блогер MrBeast және басқалар да қатысты. «Angry Birds 3» премьерасы 2027 жылдың 1 қаңтарына жоспарланған.
Бұған дейін Kursiv LifeStyle Канье Уэсттің Лос-Анджелестегі SoFi стадионында бес жыл ішіндегі алғашқы үлкен концерті ондаған мың көрермен жинағанын жазған болатын. Ye әртүрлі алаңдарда өнер көрсеткеніне қарамастан, мұндай ауқымды шоу рэпердің ресми оралуы ретінде қарастырылады.