«Реал» Мадрид «Барселонаны» сырт алаңда 1:2 есебімен жеңіп, Эль-Классикодағы жеңістер санын 107:106-ға жеткізді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Кездесу алдында «Барселона» чемпионаттағы тоғыз матчтың тоғызында жеңіске жеткен болатын. Жалпы алғанда, ағымдағы маусымда каталондықтар тек бір рет қана ұтылды. Өткен сейсенбіде олар Чемпиондар лигасында «ПСЖ-ға» есе жіберді.
«Реал» болса, басты еурокубокте ұпай жоғалтпай келеді. Алайда Примерде «Сливочные» екі рет жеңіліс тапты. 4-турда «Бетисқа» – 0:1, 7-турда «Атлетикоға» – 1:2 есебімен ұтылды. Үшінші жеңіліс Корольдік клубты «Барсадан» тоғыз ұпайға артқа тастайтын еді.
Соперниктер ең үздік құрамдарын шығара алмады. Каталондықтарда Андреас Кристенсен, Жюль Кунде, Эрик Гарсия, Дани Ольмо және Руни Бардагжи жарақаттарына байланысты ойынға қатыспады. Мадридтіктерде қақпашы Тибо Куртуа сырқаттанып қалды. Рауль Асенсио, Ферлан Менди және Родриго әлі қалпына келмеген. Винисиус дисквалификацияны өтеп жатты.
⚽ БАРСЕЛОНА – РЕАЛ (Мадрид) 1:2 (0:1). Голдар: Мбаппе 41 (0:1), Рафинья 61 (1:1), Мбаппе 87 (1:2).
Куртуаны алмастырған Андрей Лунин бірнеше эпизодта тамаша ойын көрсетіп, командасын құтқарып қалды. Бірақ ол да 61-минутта Рафинья айып алаңы ішінен соққан доптан құтыла алмады.
Каталондық бразилиялықтың голы Килиан Мбаппенің екі добының арасына сыя кетті. Француз шабуылшысы қажет сәтте дұрыс жерде болды.
41-минутта Жерар Мартин өз қақпасынан допты алып шығу кезінде француз бомбардиріне тигізіп жіберді – 1:0. Ал 87-минутта Эдуардо Камавинганың флангтан өтуі мен француз мадридтігінің ортаға пасынан кейін Мбаппеге бос қақпаға дәл соғу ғана қалды – 2:1.
Эль-Классикодағы жеңістер саны бойынша 107:106 есебімен алға шыққан «Реал» Примерде үшінші орында қалды. «Барсамен» қарымта матч жақын арада өтпейді. 9 мамырға дейін көп нәрсе өзгеруі мүмкін. Қалай болғанда да, каталондықтардан үш ұпай артта қалу енді өткел бермес құздай көрінбейді.
11-турда «Барселона» «Алавесті» қабылдайды, ал «Реал» Сантандерге, «Расинг» қонақтарына барады. Чемпиондар лигасының 4-турда «көк-қызылдар» 3 қарашада «Ноу Кампта» Еуропа лигасының иегері «Астон Вилламен» ойнайды. «Реал» 4 қарашада Афинада жергілікті АЕК клубымен кездеседі.