Израиль қорғаныс армиясы (ЦАХАЛ) Ливанның оңтүстігіндегі «Хезболлаһ» террорлық нысандарына шектеулі, жергілікті және мақсатты рейдтер бастағанын хабарлады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Израиль әскерилерінің анықтауынша, оңтүстік Ливандағы қауіпсіздік аймағына танкіге қарсы зымырандар мен қару жеткізген радикалдардың екі тобы тіркелген.
«ЦАХАЛ оңтүстік Ливандағы қауіпсіздік аймағына танкіге қарсы зымырандарды тасымалдап жүрген «Хезболлаһ» терроршыларын анықтады. Терроршылар қауіпсіздік аймағына көлікпен кіріп, танкіге қарсы зымырандарды сол аудандағы құрылыстардың біріне түсірген. Басқа «Хезболлаһ» терроршылары осы құрылысқа одан да көп қару әкеліп, ішіне кіргеннен кейін, ЦАХАЛ қауіпті жою үшін әуеден соққы жасады», — делінген мәлімдемеде.
Баспасөз қызметі «соққыдан кейін құрылыс ішінде қарудың бар екенін растайтын екінші реттік детонациялар тіркелгенін» атап өтті.
Бұған дейін «Курсив» Израиль мен Ливан АҚШ-тың делдалдығымен негіздемелік бейбіт келісімге қол қойғанын жазған болатын.