Израиль әскерінің әуе соққысынан «Хезболла» тобының жетекшісі Мұхаммед Раад қаза тауып, ұйым бұған жауап ретінде Израильге соғыс жариялады, деп хабарлайды Qazaqyia.KZ ақпарат агенттігі.
Саудиялық Al Arabia және Al Hadath телеарналарының мәліметінше, Израиль қорғаныс армиясы (ЦАХАЛ) соққы жасағанын растаған, бірақ бастапқыда жоғары лауазымды шенеуніктің аты-жөнін атамаған. Сол түні Бейруттің оңтүстік аудандарына жасалған шабуылдан кем дегенде 10 адам мерт болған.
«Бұған қарымта ретінде «Хезболла» тобы Хайфаның оңтүстігіндегі әскери базаға зымырандар мен дрондар легін ұшырғанын хабарлады. Ұйым бұл қадамды өз көшбасшысының өлімі үшін «кек алу» деп атады.»
—
Израиль қорғаныс армиясы зымырандардың Ливанның оңтүстігінен атылғанын растап, бірнеше минуттан кейін Ливан аумағына жауап ретінде жаппай әуе соққыларын бастады. Негізгі нысаналар – Бейруттің оңтүстік аудандары, «Хезболла» инфрақұрылымы және топтың жоғары лауазымды өкілдері.