Иран Украинаның Каспий теңізіндегі ирандық сауда кемесіне жасаған соққысынан келтірілген залалды өтеуді талап етті. Бұл туралы Иран сыртқы істер министрі Аббас Аракчи Украина сыртқы істер министрі Андрей Сибигамен телефон арқылы сөйлескеннен кейін мәлімдеді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Аракчидің айтуынша, украиналық министр оны кемеге жасалған шабуылдың әдейі емес екеніне және Киевтің одан әрі шиеленісуге ұмтылмайтынына сендірді.
«Иран да шиеленісуге ұмтылмайды. Дегенмен, біз азаматтарымызға немесе мүдделерімізге қандай да бір шабуылдардың қолайсыз екенін анық түсіндірдік. Келтірілген залал өтелуі керек», – деді Аракчи.
Өз кезегінде Сибига Тегеранды жағдайдың ушығуына әкелетін әрекеттерден бас тартуға, сондай-ақ Ресейді қолдауды тоқтатуға шақырғанын хабарлады. Ол Украинаның әрекеттері елді қорғауға бағытталғанын атап өтті.
Еске салайық, 25 шілдеде украиналық соққы Каспий теңізіндегі ирандық сауда кемесіне тиді. Бортта жарылыс болып, экипаждың бір мүшесі қаза тауып, тағы біреуі жараланды.
Бұған дейін «Курсив» Владимир Зеленскийдің Ақ үйде Дональд Трамппен кездесуінің егжей-тегжейін ашқанын жазған еді.