Иранның жоғарғы көшбасшысының саяси мәселелер жөніндегі кеңесшісі Мұхаммед-Багер Золькадр Ормуз бұғазы АҚШ президенті Дональд Трамп пен Израиль премьер-министрі Биньямин Нетаньяху билікте болғанша жабық болатынын хабарлады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Бұл ақпаратты ирандық Tasnim агенттігі таратты.
«Біздің жауынгерлер қылмыскер Трамп пен қанішер Нетаньяху билік тағынан құлатылмайынша, Ормуз бұғазын ашпайды», — деді Золькадр.
Оның айтуынша, бұл шешім иран халқының кегінің тек «бірінші кезеңі» ғана.
Иран Ормуз бұғазын америкалық-израильдік агрессияның алғашқы күндерінен бастап жауып тастады. Бұл агрессия 28 ақпанда иран қалаларын бомбалаудан басталған болатын. Содан бері бұл көлік дәлізі арқылы кемелердің өтуі мезгіл-мезгіл қайта жанданып, оның ішінде Тегеранның бақылауымен де жүзеге асты.
Алайда Вашингтонның американдық әскери флоттың қорғауымен баламалы маршрут ұйымдастыру әрекеттеріне қарамастан, мұнай мен сұйытылған газ жеткізілімінің соғысқа дейінгі көлеміне қол жеткізу мүмкін болмады.
Бұған дейін «Курсив» Иран Ормуз бұғазын ашу үшін жеті шартты делдалдар арқылы АҚШ-қа жеткізгенін жазған болатын.