Халықаралық валюта қорының (ХВҚ) басшылығы алдағы апталарда Украинаға 700 миллион долларға жуық несие қаражатын бөлу туралы түпкілікті шешім қабылдайды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
ХВҚ-ның коммуникациялар департаменті директоры Джули Козак брифингте: "Басқарма бұл мәселені алдағы апталарда талқылайды деп күтілуде", - деді. Ол Киев үшін жаңа несие траншын бекіту мерзіміне түсініктеме берді.
Козак Украинаға 12 маусымда алдын ала келісілген 690 миллион долларды төлегеннен кейін жаңа көмек бағдарламасы бойынша төлемдердің жалпы сомасы 2,2 миллиард долларға жететінін айтты.
ХВҚ басшылығы бұған дейін Украинаға 8,1 миллиард доллар көлеміндегі жаңа төрт жылдық несие бағдарламасын мақұлдаған.
ХВҚ басқарушы директоры Кристалина Георгиева қор Киевке берілетін жаңа несиеге байланысты ерекше жоғары тәуекелдерді мойындайтынын, қарызды өтеу сыртқы көмек пен биліктің әрекетіне байланысты екенін атап өтті.